BogWoordKies
Die beter blufspel
BogWoordKies © is op 20 Mei 2016 in die motor op pad na Hermanus “gebore” en is gebaseer op ʼn speletjie wat ons jare gelede op die plaas gespeel het. Ons het die ou plaas speletjie toegerus met ʼn bord en met Vat ʼn Kans-kaarte om die spel bietjie af te wissel.
Die speletjie is ontwikkel om saam met familie en vriende te geniet en om almal vir ʼn wyle van die elektroniese-juk te verlos. Die doel is om julle te laat dubbel vou van lag met die wilde-woord definisies wat uitgedink word en pret te hê met woorde wat met mimiek of ‘n tekening verduidelik moet word. Vinnige feite op die Vat ‘n Kans-kaarte is gewaarborg om almal se algemene kennis ‘n hupstoot te gee!
Fotos voorsien deur Labnetics.co.za
Kenmerke
BogWoordKies © is baie eenvoudig om te speel. Die spel word gespeel met Woordkaarte of Vat ’n Kans-kaarte. Daar is ook plekke op die bord waar spelers ʼn boete of bonus ontvang, sou hulle daarop beland.
Spelers probeer deur te bluf of met mimiek, tekeninge, algemene kennis of pure geluk (maar met pure plesier) om eerste by die wenpunt te kom!
Enige Vrae?
Ons stel voor dat die beurtspeler almal se pionne skuif.
Blaai op na “Vinnige Reëls” hierbo, klik op die skakel en laai ‘n vloeikaart af wat grafies die reëls verduidelik.
Daar is ‘n sjabloon in PDF-formaat beskikbaar wat u vanaf hierdie webwerf kan aflaai en waarmee u soveel blufbriefies as wat u wil hê kan uitdruk.
Stuur vir ons u vriende se adres en ons sal u van ‘n kwotasie voorsien om ‘n spel oorsee te versend.
Beskikbaar, koop dit aanlyn nou!
Betaal met ‘n kredietkaart of per EFT
Slegs R395.00 plus R85,00 vir deur tot deur aflewering na enige dorp in Suid-Afrika
Kontak Ons
Kontak besonderhede
Ererol
Tiermelk: Skopsop
Sotskolf : ‘n Skotse krieketkolf wat gebruik word deur afgetrede ou ooms.
Pollard: ‘n Soort kamera
Akson: ‘n Vroulike bison
Foefie: ‘n Verfynde reun
Richterskaal: Die instrument waarmee die Israeliete die manna in die woestyn geweeg het.
Boemeltrein: ‘n Trein vir boemelaars om op partytjie te hou, amper soos ‘n “party bus”, maar met slaapplek. Kos en drank word voorsien solank jy vir ‘n sekere politieke party stem!